Styreleiaren i bygdalaget på Austre Bokn, Kari Christensen, fortel til Bokn Bygdablad at dei har jobba i over eit år for å få sett opp ein kikkert på toppen av Vardafjellet, til glede for store og små i lokalsamfunnet.

Med hjelp av eigeninnsats, oppsparte midlar og eit tilskot frå kommunen kan nå prosjektet realiserast.

Austre Bokn Bygdalag (ABB) reknar med at det blir ”grand opening” med avduking av kikkerten sundag 18. april, men før det skal det vera dugnad på transport og montering.

- Kikkerten er bestilt, og vil bli levert i nærmaste framtid. Dette gler me oss til, avsluttar Kari Christensen, som legg til at ABB kjem tilbake med meir informasjon om hendinga.