Ved Seksjon helse, sosial og barnevern, har me ledig eit vikariat med 19,72 % stillingsstorleik

Vikariatet er i reinhald, og er for perioden 01.10.10. – 31.03.11

Skriftleg søknad sendes innan 17.09.10 til:

Bokn kommune
Seksjon helse, sosial og barnevern
Boknatun
5561 Bokn

For spørsmål vedr. stillinga, ta kontakt med seksjonssjef Tore Bøe Olsen, på tlf. 52 75 25 00 / 52 75 25 34

BYGGESAKSBEHANDLAR/SAKSBEHANDLAR

Bokn kommune ligg på øyar med fastlandssamband til Haugesundsregionen. Innbyggartalet på 835 er aukande. Kommunesenteret ligg i Føresvik. Bur ein på Bokn kan ein nytta arbeidsmarknadene både sør og nord for Boknafjorden. I køyretid er det vel ein halvtime til Haugesund og i underkant av ein time til Stavanger.

Bokn kommune har ledig stilling som byggesaksbehandlar/saksbehandlar. Stillinga er i teknisk seksjon som har ansvar for plan- og byggesaker, kart og oppmåling, VAR og under dette kommunale avgifter.

Stillinga vil ha eit bredt arbeidsområde innan seksjonen men med hovudvekt på byggesaksbehandling.

Bokn kommune legg vekt på at saksbehandlinga skal opplevast føreseieleg, rettferdig og imøtekommande for innbyggarane. Ein legg stor vekt på at det skal ytast god og lett tilgjengeleg service til brukarane.

 Me ynskjer difor ein medarbeidar som:

• Er løysingsorientert og har evne til å arbeida målretta og sjølvstendig
• Er omgjengeleg og lett å samarbeida med
• Er god til å kommunisera munnleg og skriftleg. Administrasjonsmålet er nynorsk.
• Er opptatt av å yta god service til publikum og næringsliv
• Har kjennskap til plan- og bygningslovgjevinga
• Har relevant utdanning.

Me vil ved tilsetting legga hovudvekt på personleg dugleik, motivasjon og relevant arbeidserfaring.

Kommunen kan tilby:

• Varierande og utfordrande arbeidsoppgåver
• Løn etter avtale
• God pensjons- og forsikringsordningar

Søknad kan sendast elektronisk som e-post: post@bokn.kommune.no eller som brev til Bokn kommune, Boknatunvegen 13, 5561 Bokn. 

Nærare opplysningar om stillinga kan de få ved å vende dykk til  seksjonssjef teknisk Kåre Bua, tlf. 52752506/91564401.
                 
Søknadsfrist: 01.10. 2010

Kyrkjelydspedagog – 20%-stilling

Arbeidsoppgåvene vil bestå i å legge til rette for og gjennomføre dei tiltaka som ligg i trusopplæringsplanen for Bokn sokneråd, då særleg med vekt på alderstrinna 4 til 15 år.

Vi søkjer ein person som trives med å jobbe med barn og unge og har relevant utdanning for eksempel innan pedagogikk, kristendom eller teologi. Ein kan pårekne eit visst samarbeid med andre sokn i Haugesund prosti. Den tilsette må vera medlem av den norske kyrkja.

Nærare opplysningar hjå kyrkjeverja tlf. 52 75 25 47 eller 934 15 440.

Skriftleg søknad med CV, referanser og attester vert å senda til:

Bokn Sokneråd, Postboks 18, 5561 Bokn